३० असोज ०८१, काठमाडौं । जेनेभा रहेका राष्ट्रियसभा अध्यक्ष नारायणप्रसाद दाहाल र थाइल्याण्डको सिनेटका अध्यक्ष मोङकोल सुरसज्जाबीच भेटवार्ता भएको छ ।
अन्तर–व्यवस्थापिका संघको महासभामा सहभागी हुने सिलसिलामा दाहाल र सुरसज्जाबीच पारस्परिक सम्बन्ध, आपसी हित र साझा चासो साथै सहकार्यबारे छलफल भएको हो ।
अध्यक्ष दाहालले नेपाल र थाइल्याण्डबीचको कूटनीतिकसम्बन्ध मैत्रीपूर्ण रहेको चर्चा गर्दै लुम्बिनी, गौतम बुद्ध र बौद्ध धर्मले नेपाल र थाइल्याण्डका जनताबीच बलियो सम्बन्धसेतुका रूपमा काम गरेको बताए ।
उनले थाई पर्यटकका लागि भगवान् बुद्धको जन्मस्थल लुम्बिनी महत्वपूर्ण धार्मिक एवं पर्यटकीय गन्तव्यका बनेको पनि बताए ।
