२८ असार ०७७, काभ्रे । इन्द्रावती नदीले बगाएर शनिबार साँझ दुई पुरुष र शुक्रबार एक बालकसहित तीन जना बेपत्ता भएका छन् ।
शनिबार साँझ मण्डनदेउपुर नगरपालिका १०, हल्देटारका ३७ वर्षीय चन्द्र लामा र माझीगाउँका ३३ वर्षीय सम्फे माझी इन्द्रावती तर्ने क्रममा बेपत्ता भएको वडाध्यक्ष विष्णु नेपालले जानकारी दिए ।
यस्तै इन्द्रावती नदीमै शुक्रबार दिउँसो १२ वर्षीय अभिषेक नेपाली पनि बेपत्ता भएको उनले बताए ।
अध्यक्ष नेपालले माझी र लामा रोपाइँ सकेर साँझ घर फर्कँदा नदी तर्ने क्रममा बगाएको प्रत्यक्षदर्शीलाई उदृत गर्दै बताए ।
उनले स्थानीय, प्रहरी र सशस्त्र प्रहरीले खोजी गर्दा पनि भेट्टाउन नसकेको र खोजी कार्य जारी रहेको बताए ।
