२ मंसिर ०७४, रौतहट । जिल्लाको चन्द्रपुर नगरपालिका ५ राधाकृष्ण मन्दिर नजिकै बम विस्फोट भएको छ ।
शनिबार दिउँसो वाम गठबन्धनको चुनावी सभा बाहिर बम विस्फोट भएको हो । विस्फोटमा परी ८ जना घाइते भएका छन् ।
बम विष्फोटमा परी ३१ वर्षीया सीता राई र उनका ७ वर्षीय छोरा जैविक राई गम्भीर घाइते भएका छन । यसैगरी लक्ष्मी राई, रत्न बहादुर विक, कुन्ता खत्री, गोपाल विक, दिलमाया राई तथा यमुना काफ्ले घाइते भएका छन् ।
घाइते मध्ये गोपाल विक र यमुना काफ्लेको चन्द्रपुर अस्पतालमा उपचार भइरहेको छ भने बाँकी ६ जनालाई थप उपचारको लागि भरतपुर पठाइएको इलाका प्रहरी कार्यालयले जनाएको छ ।
