२५ भदौ ०७४, ललितपुर । दिपक कुमार विष्ट नेतृत्वको गणतान्त्रिक प्यानल ललितपुर वार एशोसियसनमा विजयी भएको छ ।
नेकपा माओवादी केन्द्र निकट विष्टले एमाले, कांग्रेस र संघीय समाजवादीको संयुक्त प्यानलकी सरीता श्रेष्ठलाई १४२ मत अन्तरले हराएका हुन् ।
५६९ भोट खसेकोमा विष्टले ३५३ र प्रजातान्त्रिक प्यानलकी श्रेष्ठले २११ मत पाइन् ।
गणतान्त्रिक प्यानलबाटै उपाध्यक्षमा दयाभक्त डंगोल, सचिवमा ज्ञानेन्द्र नेपाल, कोषाध्यक्षमा रुपबहादुर सारु निर्वाचित भएका छन् । यसैगरी महिला दुई सदस्यमा सरीता गौतम र नानीछोरी महर्जन विजयी बनेका छन् ।
अन्य सदस्यहरुमा संगम महर्जन, डुण्डीराज देवकोटा, भविश्वर पौडेल, छोनम मोक्तान, आभाषबहादुर प्रधान, चन्द्रप्रसाद गुरागाईं, चिरञ्जीवी ढकाल र कान्तिराम ढुंगाना विजयी भएका छन् ।
नवनिर्वाचित अध्यक्ष विष्ट प्यानलका चिरञ्जीवी ढकाल र कान्तिराम ढुंगाना नेत्रविक्रम चन्द नेतृत्वको नेपाल कम्युनिष्ट पार्टी निकटका हुन् भने बाँकी सबै माओवादी केन्द्र सम्वद्ध हुन् ।
