२५ साउन ०७७, सप्तरी । जिल्लाको तिलाठी कोइलाडी गाउँपालिकाले आफ्नै लगानीमा एक सय शैय्याको आइसोलेसन तयार पारेको छ ।
कोरोना संक्रमितको संख्या बढ्दै गएपछि तिलाठी कोइलाडी गाउँपालिकाले वडा नं. २ स्थित पब्लिक उच्च माध्यमिक विद्यालयमा सो आइसोलेशन संचालनमा ल्याएको हो ।
राजविराजस्थित साईकृष्णा मेडिकल कलेजको एक सय ७८ शैय्याको आइसोलेशन अपुग हुन लागेका कारण गाउँपालिकाले आफ्नै लगानीमा १ सय शैयाको आइसोलेशन सेन्टर निर्माण गरेको पालिकाका अध्यक्ष सतिशकुमार सिंहले जानकारी दिए ।
सो गाउँपालिकामा ८३ जनामा कोरोना संक्रमणको पुष्टि भइसकेको छ भने सप्तरीमा आइतबारसम्म कोरोना संक्रमितको कूल संख्या ५ सय ७२ पुगेको छ । जसमध्ये राजविराज नगरपालिकाका सर्वाधिक १ सय १४ जना रहेका छन् ।
