१९ जेठ ०७७, बाँके । नेपालगञ्जबाट सल्यानतर्फ जाँदै गरेको गाडी राप्तिसोनारी गाउँपालिका –२, मा आइतबार राती दुर्घटना हुँदा १२ जनाको मृत्यु भएको छ ।
भारतबाट फर्किएका नेपालीलाई लिएर सल्यानतर्फ जाँदै गरको बा ५ ख ५९९५ यात्रुबाहक फोर्स गाडी रोकी राखेको बा ४ ख ९०६४ नम्बरको ट्रकमा ठोक्किएर भएको दुर्घटनामा परेर १२ जनाको मृत्यु भएको हो ।
बाँकेका प्रमुख जिल्ला अधिकारी राम बहादुर कुरुमवाङ्गले गएराति सवा १२.०० बजेतिर भएको दुर्घटनामा घटनास्थलमै ११ जना र उपचारको क्रममा १ जनाको भेरी अस्पतालमा सोमबार बिहान मृत्यु भएको बताए ।
प्रजिअ कुरुमवाङ्गले नेपालगञ्जको जमुनाहबाट दाङ, सल्यान र रुकुम समेतका नागरिक र चालक र सहचालक उक्त बसमा ३३ जना सवार रहेको बताउँदै मृतकहरुको सनाखत गर्ने कार्य भइरहेको जानकारी दिए ।
भेरी अस्पतालका प्रमुख डा. प्रकाश थापाले घाइते मध्ये २१ जनाको भेरी अस्पताल नेपालगञ्जमा उपचार भइरहेको र ३ जनाको अवस्था गम्भीर रहेको बताएका छन् ।
