८ माघ ०७४, काठमाडौं । रुकुमबाट दाङ जादै गरेको यात्रुबाहक बस सल्यानको त्रिवेणी गाउँपालिका ६, भान्टाखोलामा दुर्घटना हुँदा ४ जनाको घटनास्थलमै मृत्यु भएको छ ।
सोमबार दिउँसो करिव साढे २ बजेतिर ना ५ ख ५३१ नम्बरको बस सडकबाट डेढ सय मिटर तल खस्दा कम्तिमा ४ यात्रुको घटनास्थलमै मृत्यु भएको हो । दुर्घटना स्थलमा नेपाल प्रहरी, नेपाल सेना र स्थानीयले घाइतेको उद्धार कार्य जारी राखेका छन् ।
दुर्घटनामा कति जना घाइते छन् भन्ने यकिन भइनसकेको वडा प्रहरी कार्यालय लुहामले जनाएको छ । लुमाह प्रहरीका अनुसार ४ जनाको घटनास्थलमै मृत्यु भएपनि सनाखत हुन सकेको छैन ।
प्रहरीको टोली घटनास्थलमा पुगेर घाइतेहरुलाई उपचारको लागि सल्यान र नेपालगन्ज पठाइरहेको छ। शव संकलन भइरहेकाले मृतकहरुको संख्या बढ्न सक्ने बताइएको छ।
