२८ साउन ०७७, सप्तरी । पूर्व–पश्चिम राजमार्ग अन्तर्गत जिल्लाको खड्क नगरपालिका ६ मासवारी दुर्घटनामा एक दम्पत्तिको मृत्यु भएको छ भने छोरी र नातिनि गम्भीर घाइते भएकी छन् ।
पूर्वबाट पश्चिमतर्फ जाँदै गरेको ना.४च ८४८३ नम्बरको पिकअप र विपरीत दिशाबाट आउँदै गरेको स.७ प ८९३२ नम्बरको मोटरसाइकल बुधबार एक आपसमा ठोक्किएर भएको दुर्घटनामा खड्क नगरपालिका निवासी ४५ वर्षीय कासिम अन्सारी र उनकी ४० वर्षिया श्रीमती रोशना खातुनको निधन भएको हो ।
जिल्ला प्रहरी कार्यालय सप्तरीले दुर्घटनामा गम्भीर घाइते भएका अन्सारी दम्पतिलाई उपचारका लागि रुपनीस्थित युनिक अस्पतालमा भर्ना गरिएको र उपचारकै क्रममा उनीहरुको मृत्यु भएको जनाएको छ ।
यस्तै दुर्घटनामा घाइते भएकी मृतकका छोरी २५ वर्षीया समसुन खातुन र ३ वर्षीया फरना खातुनको सोही अस्पतालमा उपचार भइरहेको साथै पिकअप र मोटरसाइकल नियन्त्रणमा लिई थप अनुसन्धान गरिरहेको प्रहरीले जनाएको छ ।
