२२ मंसिर ०७४, हुम्ला । वाम गठबन्धनका वागी उम्मेदवार छक्कबहादुर लामा विजयी भएका छन् ।
माओवादीले टिकट नदिएपछि वाम गठबन्धनका उम्मेदवार छिमिदोर्जेविरुद्ध वागी भई स्वतन्त्र उम्मेदवारी दिएका छक्क लामा एउटा मात्रै निर्वाचन क्षेत्र रहेको हुम्ला जिल्लामा विजयी भएका हुन् ।
८४९१ मत ल्याएका लामाले ४७ मतले कांग्रेसलार्इ पछि पार्दै विजयी भएका हुन् ।
कलम चिन्हमा चुनाव लडेका लामाका प्रतिस्पर्धी कांग्रेसका मंगलबहादुर शाहीले ८४४४ मत ल्याएका छन् ।
हुम्लाका प्रमुख जिल्ला अधिकारी लक्ष्मीप्रसाद वास्कोटाले लामा विजयी भएको पुष्टि गरे ।
