२१ भदौ ०७९, काठमाडौं । साफ महिला च्याम्पियनशिप फुटबल खेलमा नेपालले भुटानलाई पराजित गर्दै राम्रो सुरुवात गरेको छ ।
आज मंगलबार दशरथ रंगशालामा भएको उद्घाटन खेलमा नेपालले भुटानलाई ४–० गोलले पराजित गर्दै राम्रो सुरुवात गरेको हो ।
नेपालका लागि सावित्रा भण्डारीले खेलको १२औं र ६८औं मिनेटमा र अनिता बस्नेतले ५३औं र ८५औं मिनेटमा गोल गरेकी थिइन् ।
पहिलो खेलमा निकालेको जितसँगै समूह ‘ए’ मा रहेको नेपालले तीन अङ्क प्राप्त गरेको नेपालले भदौ २७ गते श्रीलङ्कासँग खेल्नेछ ।
