२४ भदौ ०७४, काठमाडौं । विभिन्न प्रलोभनमा परी कतार पुगेर अलपत्र परेका ७ जना नेपालीको उद्धार गरिएको छ ।
बुटवलमा घर भई कतारमा बस्दै आएका लिला जीसीको समन्वयमा गुल्मी मदानेका राजेश घर्ती, खोटाङका दिनेश कटुवाल, गंगाबहादुर कटुवाल, वीरबहादुर खड्का, सुर्खेतका जीतबहादुर वीक, भोजपुरका इरज राई र संखुवासभाका पुष्प भारतीको उद्धार गरिएको हो ।
उद्धार गरिएका सातै जनालाई शनिवार नेपाल फर्काउने तयारी भएको कतारबाटट उद्धारमा संग्लग्न चन्द्र सुर्यप्रकाश शर्माले जानकारी दिए ।
राप्ती प्लेसमेन्ट सर्भिसबाट कतार पुगेका नेपालीहरु ५ महिनासम्म तलब नपाएपछि अलपत्र परेका थिए । उनीहरु अलपत्र परेसँगै जीसीलगायत केही नेपालीले उद्धारको पहल थालेका थिए ।
अलपत्र नेपालीलाई स्वदेश फर्काउन गुल्मी सेवा समाजले टिकट सहयोग गरेको छ ।
