२९ जेठ ०८२, पालुङटार । गोरखाको पालुङटार नगरपालिकाका विद्यालयहरुमा दुईदिनका लागि पठनपाठन बन्द गरिएको छ ।
अत्यधिक गर्मी बढेपछि नगरपालिकाभित्रका सबै सामुदायिक तथा संस्थागत विद्यालयमा दुईदिनका लागि पठनपाठन बन्द गरिएको हो ।
नगरप्रमुख विवश चिन्तनले भने, ‘गर्मीका कारण बालबालिकालाई समस्या हुनसक्ने भएकाले नगरपालिकाले मातहतका सबै विद्यालय आज र भोलि बन्द गर्ने निर्णय गरेको हो ।’
उनले असार १ गतेबाट नियमित रूपमा पठनपाठन हुने बताए ।
