१२ भदौ ०७४, काठमाडौं । अपराध अनुसन्धान महाशाखा र जिल्ला प्रशाशन कार्यालयको संयुक्त अनुगमन टोलीले दुगडको सतुंगलस्थित फ्रुटी गोदाममा छापा मारी शिल गरेको छ ।
सोमबार गोदाममा छापा मार्दा म्याद नाघेका बस्तु प्रयोग गरी फ्रुटी बनाइएको भेटिएपछि उक्त गोदाम शिल गरेको हो ।
दुगड फुड्सको गोदाममा गत वर्ष पनि छापा मारेर दुई लाख प्याकेट फ्रुटी नष्ट गरिएको जानकारी दिँदै महाशाखाका एसएसपी दिवेश लोहनीले भनेका छन्, ‘गोदाममा छापा मार्दा म्याद नाघेका बस्तु प्रयोग गरी फ्रुटी बनाइएको भेटिएपछि उक्त गोदाम शिल गरेका छौं ।’
